RACHEMBURGII, item REGENBURGII

RACHEMBUrGII, item REGENBURGII

vulgo RACHEN-BURGERS, Iudices erant apud Salicos Ripuarios nonnullosque alios Germaniaepopulos, Comiti in curia sua, quam Mallum vocabant, assidentes, et in rebus pluribus semper adiuncti: Numerô non definiti, plerumque tamen septeni. An quasi Sagibarones, mutatô S. in R. ut sit Racha. pro Sacha. Vide Alex. ad Alex. p. 34. Dicti a German. Racha, hodie Racht, i. e. causa, res. argumentum: unde Rachten, causam agere, et Burgus civitas, quasi causarum civitatis iudices. Aliis quasi Rechtores civitatis, a prisco Saxonico Raccen, regere: Bignonio iidem cum Scabinis videntur. Vide illum, et Henr. Spelmann. Glossar. Archaeol.